જયંત પાઠક

જયન્ત પાઠક

પૂરું નામ : જયંત હિંમતલાલ પાઠક

જન્મ : ૨૦-૧૦-૧૯૨૦ રાજગઢ, પંચમહાલ જિલ્લો, ગુજરાત.

અવસાન : ૦૧-૦૯-૨૦૦૩ સુરત, ગુજરાત.

અભ્યાસ : એમ.એ., પી.એચ.ડી.

વ્યવસાય : અધ્યાપન, પત્રકારત્વ, લેખન

સર્જન 

  વિવેચન - ૯, મુખ્ય - આધુનિક કવિતા પ્રવાહ, આલોક, ભાવચિત્રી

  જીવન વિકાસનાં પુસ્તકો - ૯,

  કવિતા -  મર્મર, સંકેત, શુળી પર સેજ, ક્ષણોમાં જીવુ છું

  અનુવાદ -  ચેખોવની શ્રેષ્ઠ નવલિકાઓ, ટેઈલ ઓફ ટુ સીટીઝ

  આત્મકથા -  વનાંચલ, તરૂરાગ

  સંપાદન -  કાવ્ય કોડિયા-૩, ગુજરાતી ઊર્મિકાવ્યો

સન્માન

   

૧૯૫૭ - કુમાર ચંદ્રક

  ૧૯૭૬ - રણજિતરામ સુવર્ણચંદ્રક

  ૨૦૦૩ - નરસિંહ મહેતા એવોર્ડ

સવિશેષ પરિચય

જયંત હિંમતલાલ પાઠક (૨૦-૧૦-૧૯૨૦) : કવિ, વિવેચક, સંસ્મરણલેખક. જન્મ ગોઠ (રાજગઢ)માં. ૧૯૩૮માં મેટ્રિક. ૧૯૪૩માં સુરતની એમ. ટી. બી. કૉલેજમાંથી ગુજરાતી- સંસ્કૃત વિષયો સાથે બી.એ. ૧૯૪૫માં એ જ વિષયોમાં વડોદરા કૉલેજમાંથી એમ.એ. ૧૯૬૦માં ‘૧૯૨૦ પછીથી ગુજરાતી કવિતાની સાંસ્કૃતિક ભૂમિકા : તેનાં પરિબળો ને સિદ્ધિ’ વિષય પર પીએચ.ડી. ૧૯૪૩-૧૯૪૭ દરમિયાન દાહોદ-હાલોલની માધ્યમિક શાળાઓમાં શિક્ષક. ૧૯૪૭ થી ‘જન્મભૂમિ’ અને ‘હિન્દુસ્તાન’ દૈનિકમાં પત્રકાર. ૧૯૫૩થી નિવૃત્તિપર્યંત એમ. ટી. બી. આર્ટસ કૉલેજમાં ગુજરાતીના પ્રાધ્યાપક. ૧૯૫૭નો કુમારચંદ્રક. ૧૯૭૬ માં નર્મદ સુવર્ણચંદ્રક. ૧૯૭૬માં રણજિતરામ સુવર્ણચંદ્રક. ૧૯૮૨-૧૯૮૩નું ઉમા-સ્નેહરશ્મિ પારિતોષિક. ૧૯૭૪માં સોવિયેટ દેશ નહેરુ એવોર્ડ ૧૯૭૯માં સાહિત્ય અકાદમી, દિલ્હીનો એવોર્ડ તથા ૧૯૯૦’-૯૧ માટે ગુજરાતી સાહિત્ય પરિષદના પ્રમુખ બન્યા.

નોંધ – વધુ વિગત માટે અહીં ક્લીક કરો જયંત પાઠક