"ગુજરાતમિત્ર" વર્તમાનપત્રમાં પ્રસિદ્ધ થયેલ મારા વિશેના લેખ...

"ગુજરાતમિત્ર" વર્તમાનપત્રમાં પ્રસિદ્ધ થયેલ મારા વિશેનો લેખ...

તા. ૨૧-૧-૨૦૧૫ , બુધવાર....

લેખાંક - ૧ 

-----------------------------------------------------------------------------------------------------------

"ગુજરાતમિત્ર" વર્તમાનપત્રમાં પ્રસિદ્ધ થયેલ મારા વિશેનો લેખ...

તા. ૨૮-૧-૨૦૧૫ , બુધવાર....

લેખાંક - ૨

Read More

આ શહેર તમારા મનસૂબા ઉથલાવી દે – રમેશ પારેખ

આ શહેર તમારા મનસૂબા ઉથલાવી દે

આ શહેર તમારા મનસૂબા ઉથલાવી દે, કહેવાય નહીં

આ ચહેરા પર બીજો ચહેરો ચિપકાવી દે, કહેવાય નહીં

આ સંકેતો, આ અફવાઓ, આ સંદર્ભો, આ ઘટનાઓ

આખેઆખો નકશો ક્યારે બદલાવી દે, કહેવાય નહીં

ઘરને ઘર કહીએ તો આ ઘર એક લૂનો ચોરસ દરિયો છે

ભરતી છે : દરિયો શું શું ડુબાવી દે, કહેવાય નહીં

સપનાંના છટકરસ્તે અહીંથી ભાગી નીકળે છે આંખો, પણ

પાંપણનું ખૂલી પડવું, પાછી સપડાવી દે, કહેવાય નહીં

દ્રશ્યો-દ્રશ્યો જંગલ-જંગલ ચશ્માં-ચશ્માં ધુમ્મસ-ધુમ્મસ

રસ્તા-રસ્તા પગલું-પગલું ભટકાવી દે, કહેવાય નહીં

ટાવર ધબકે, રસ્તા ધબકે, અરધો-પરધો માણસ ધબકે

કોનો ધબકારો કોણ અહીં અટકાવી દે, કહેવાય નહીં

- રચના : રમેશ પારેખ
- સ્વર : સોલી કાપડિયા 

Read More

સુખ ગયું'તું એજ રીતે - કિરણસિંહ ચૌહાણ

મિત્રો, મારા ખાસ મિત્ર કિરણસિંહ ચૌહાણની આ નવી તરો-તાજા ગઝલ. 

આ ગઝલને ફેસબુક ઉપર ઢગલો કોમેન્ટ્સ મળેલી. આ ગઝલ વાંચીને ગુજરાતી ગઝલ ગાયક મનહર ઉધાસ સાહેબે કિરણભાઈને ફોન કરી અભિનંદન આપ્યા અને પોતાના નેક્સ્ટ આલબમમાં પોતાના અવાજમાં ગાવાની અનુમતિ પણ માંગી..મનહર ઉધાસ સાહેબના મધુર કંઠમાં આ ગઝલને સાંભળવી ગમશે.  પણ ત્યાં સુધી આ ગઝલને વાંચીને માણીએ...

Read More

મારા નવા પુસ્તક "મોતી મળ્યાં મઝધારે" નું એક પેજ

મારા નવા પુસ્તક "મોતી મળ્યાં મઝધારે" નું એક પેજ 

Read More

મારું નવું પુસ્તક "મોતી મળ્યાં મઝધારે

"મોતી મળ્યાં મઝધારે" નો લોકાર્પણ કાર્યક્રમ

'ગુજરાતમિત્ર" માં પ્રગટ થયેલો આ પુસ્તક વિશેનો લેખ

Read More

"ગુજરાતમિત્ર" વર્તમાનપત્રમાં પ્રગટ થયેલો લેખ

મિત્રો, મારા નવા પુસ્તક "મોતી મળ્યાં મઝધારે" નો લોકાર્પણ કાર્યક્રમ તા.૨-૫-૧૪ ના રોજ સુરતમાં કાનજીભાઈ દેસાઈ શિક્ષણભવન ખાતે યોજાઈ ગયો..આ પુસ્તક  વિશે ડૉ.શશિકાંત શાહ સાહેબે  "ગુજરાતમિત્ર" ની મંગળવારની  એમની કોલમમાં ખૂબ જ સરસ રીતે નોંધ લીધી એ મારા માટે ખૂબ જ આનંદદાયક ઘટના હતી..

Read More

"મોતી મળ્યાં મઝધારે" નો લોકાર્પણ કાર્યક્રમ

મિત્રો, મારા નવા પુસ્તક "મોતી મળ્યાં મઝધારે" નો 

સુરત અને બોટાદ એમ બંને જગ્યાએ લોકાર્પણ કાર્યક્રમ યોજાયો હતો.

બંને સ્થળે સાહિત્યરસિકોએ પુસ્તકને ખૂબ આવકાર્યું...

કાર્યક્રમની થોડી તસવીર..

સુરત ખાતે યોજાયેલા લોકાર્પણ કાર્યક્રમની તસવીર

ઉપરના ફોટામાં જમણેથી સુરત જીલ્લા શિક્ષણાધિકારી શ્રી યુ.એન.રાઠોડ સાહેબ,

ડૉ.શશિકાંત શાહ શાહેબ, ગુજરાત કલા પ્રતિષ્ઠાનના મહામંત્રી રમણીકભાઈ ઝાંપડીયા, હું અને 

કાર્યક્રમનું સંચાલન કરતા મારા ખાસ મિત્ર કવિ શ્રી કિરણસિંહ ચૌહાણ...

બોટાદ ખાતે યોજાયેલા લોકાર્પણ કાર્યક્રમની તસવીર

ઉપરના ફોટામાં ડાબેથી બોટાદ એલ.આઈ.સી. ના જી.એમ. સોરઠીયા સાહેબ,

બોટાદ ડી.વાય.એસ.પી. તેજસ પટેલ સાહેબ, ઢસાના જાણીતા સાહિત્યકાર મનોહર ત્રિવેદી સાહેબ, 

હું અને પુસ્તકના ચિત્રકાર મારા અનુજ અનિલ મકવાણા..

Read More

નદી જેવી નદીને દીકરી થઇ ભમવું પડે છે..- -- ખોડલ પુમ્ભાડીયા

 દીકરી થઇ ભમવું પડે છે..

નદી જેવી નદીને દીકરી થઇ ભમવું પડે છે..

બાપ પર્વત છે એટલે એને નમવું પડે છે..

પ્રસંગો અનેક આવે હસવા ખેલવા કાજે તો,

વ્યસક પિતાનેં હસતા રહીને રડવું પડે છે..

સ્વચ્છ આકાશ અનેક તારલીયાથી ટમેટમે

ત્યારે કેમ એક સિતારાને આથમવું પડે છે

વાનપ્રસ્થ પિતાને તો કદી માં યાદ આવે

દિકરી થૈ દાદી જેમ પિતાને મળવું પડે છે

ઉગી નીકળે અંસખ્ય ફૂલો પરિવારની ડાળે

દિકરી નામનાં પુષ્પને બપોરે ખરવું પડે છે

જિંદગીભરનો ખાલિપો દીકરીનાં નામે બોલે

ને કઠણ કાળજાના ભડને ડુસકું ભરવું પડે છે

જગમાં બધા ’માં’નાં ગુણગાન ગાતા રહે ને

માં થવાં માટે દીકરી બની જનમવું પડે છે....

-- ખોડલ પુમ્ભાડીયા

Read More

વૃક્ષ પડે છે ત્યારે - - ઉર્વિશ વસાવડા

વૃક્ષ પડે છે ત્યારે

શું વીતે છે આભ, ધરા પર, વૃક્ષ પડે છે ત્યારે
વ્યાકુળ થઇ જાતું સચરાચર, વૃક્ષ પડે છે ત્યારે

ટહુકાઓ પણ દિશા ભૂલી, અફળાતા ચારે બાજુ
રૂદન કરે છે પંખીના સ્વર, વૃક્ષ પડે છે ત્યારે

થોડી ઝાઝી અસર થવાની સંવેદન પર સહુના
માણસ હો કે હો એ પથ્થર, વુક્ષ પડે છે ત્યારે

એમ મને લાગે કે ઓછું થયું કશું મારામાં
હું પણ તૂટું મારી અંદર, વૃક્ષ પડે છે ત્યારે

કોરી પાટી જેવી ધરતી નીરખો તો સમજાશે
ભૂંસાતા ઇશ્વરના અક્ષર, વૃક્ષ પડે છે ત્યારે

- ઉર્વિશ વસાવડા

Read More

ચાલ ઝાડની ખબર કાઢવા - - મુકેશ જોષી

ચાલ ઝાડની ખબર કાઢવા

કાલે કોઈ ડાળ તૂટી છે, ચાલ ઝાડની ખબર કાઢવા
એક કુહાડી ક્યાંક ઊઠી છે, ચાલ ઝાડની ખબર કાઢવા

પાનખરે જે પંખીઓએ ઝાડને હિંમત આપી’તી
એ પંખીની હામ ખુટી છે, ચાલ ઝાડની ખબર કાઢવા

ડાળ તૂટી ને કેટકેટલા પંખીઓના ઘર તૂટી ગયાં
કોકે શી મિરાત લૂંટી છે, ચાલ ઝાડની ખબર કાઢવા

ઝાડ કુહાડી લાયક હો તો માણસ શેને લાયક ?
તરણાઓમાં વાત ફૂટી છે, ચાલ ઝાડની ખબર કાઢવા

- મુકેશ જોષી

Read More