તુલસીની માળામાં શ્યામ છે

તુલસીની માળામાં શ્યામ છે

નહિ રે આવું, નહિ રે આવું ઘેર કામ છે, 
તુલસીની માળામાં શ્યામ છે

ગામનાં વલોણાં મારે મહીનાં વલોણાં, 

મહીડાં ઘૂમ્યાની ઘણી હામ છે;

તુલસીની માળામાં શ્યામ છે;

આણી તીરે ગંગા પેલી તીરે જમુના, 

વચમાં ગોકુળિયું ગામ છે

તુલસીની માળામાં શ્યામ છે.

વૃંદા તે વનને મારગ જાતાં, 

રાધા ગોરી ને કાન શ્યામ છે
તુલસીની માળામાં શ્યામ છે.

વૃંદા તે વનમાં રાસ રચ્યો છે, 

સહસ્ત્ર ગોપી ને એક કહાન છે;
વૃંદા તે વનને મારગ જાતાં, 

દાણ આપ્યાની ઘણી હામ છે

વૃંદા તે વનની કુંજ ગલીમાં, 

ઘેર ઘેર ગોપીઓનાં ઠામ છે;
બાઈ મીરાં કે પ્રભુ ગિરિધર નાગર, 

ચરણકમળ સુખધામ છે